Hamingja er val.

Eftir tveggja áratuga íhugun hefur Abraham komist að þeirri niðurstöðu að þrjú atriði eru mikilvægust til að öðlast hamingjuna;

1.  Hugsaðu góðar hugsanir.

2.  Drekktu meira vatn.

3.  Andaða djúpt.

 

www.abraham-hicks.com

 

Skuldaniðurfærsla.

Dæmisaga Jesú í Lúkasarguðspjalli á fullt erindi á öllum tímum.  En þar segir hann við lærisveina sína; 

"Maður nokkur ríkur hafði ráðsmann, og var sá sakaður við hann um það, að hann sóaði eigum hans.  Hann kallaði hann fyrir sig og sagði við hann; Hvað er þetta, er ég heyri um þig?  Gjör reikningsskil ráðsmennsku þinnar, því þú getur ekki verið ráðsmaður lengur.  Ráðsmaðurinn sagði þá við sjálfan sig; Hvað á ég að gjöra, víst húsbóndi minn sviptir mig ráðsmennskunni?  Ekki orka ég að grafa og skömm þykir mér að betla.  Nú sé ég hvað ég gjöri, til þess að menn taki við mér í hús sín, þegar ég verð sviptur ráðsmennskunni.

Hann kallaði nú á skuldunauta húsbónda síns, hvern og einn.  Við þann fyrsta sagði hann;  Hve mikið skuldar þú húsbónda mínum?  Hann svaraði:  Hundrað kvartil viðsmjörs.  Hann mælti þá við hann:  Tak skuldabréf þitt, set þig niður og skrifa sem skjótast fimmtíu.  Síðan sagði hann við annan:  En hvað skuldar þú?  Hann svaraði:  Hundrað tunnur hveitis.  Og hann sagði honum:  Tak þú skuldabréf þitt og skrifa áttatíu.

Og húsbóndinn hrósaði rangláta ráðsmanninum fyrir að hafa breytt kænlega.  Því börn þessa heims eru kænni í viðskiptum við sína kynslóð en börn ljóssins.

Og ég segi yður:  Aflið yður vina með hinum rangláta Mammon, svo þeir taki við yður í eilífar tjaldbúðir, þegar honum sleppir. 

 

Boðberi ljóssins.

Sérhver boðberi ljóssins hefur einhvern tíma verið hræddur við að láta ljós sitt skína.

Sérhver boðberi ljóssins hefur einhvern tíma logið eða svikið.

Sérhver boðberi ljóssins hefur eignað sér eitthvað sem var ekki hans.

Sérhver boðberi ljóssins hefur vorkennt sér af léttvægum ástæðum.

Sérhver boðberi ljóssins hefur stundum gert sér grein fyrir að hann var ekki boðberi ljóssins.

Sérhverjum boðbera ljóssins hefur mistekist í sinni andlegu viðleitni.

Sérhver boðberi ljóssins hefur sagt já þegar hann vild hafa sagt nei.

Sérhver boðberi ljóssins hefur sært einhvern sem hann elskar.

Það er vegna alls þessa sem hann er boðberi ljóssins, vegna þess að hann hefur gengið í gegnum allt þetta og hefur ekki ennþá misst sjónar á því að verða betri en hann er.  -Paulo Coelho.

 

Lífið er ferðalag.

Lífið er eins og ferð í skemmtigarð og þegar við ákveðum að  fara um hann finnst okkur hann vera raunverulegur, vegna þess hve máttugur hugur okkar er.  Og ferðin er upp og niður, hring eftir hring, með spennandi og hrollvekjandi uppákomum þar sem allt er litað skærum litum, og með háværum áherslum, og það er svo gaman - um stund.

Sumir, eftir að hafa verið á ferð um langa hríð, spurðu eftir stund er þetta raunveruleikinn eða er þetta virkilega bara ferðalag?  Sumir sem þekkja þetta ferðalag koma til baka til að segja okkur;  "Hey, hérna þarft þú ekkert að óttast aldrei, eða vera hræddur, vegna þess að þetta er bara ferð" -og við drepum þetta fólk. 

"Hann verður að halda kjafti!  Ég hef fjárfest í þessari ferð...sérðu ekki hvað ég ég markaður áhyggjum...sjáðu hvað ég hef lagt á mig fyrir bankainnistæðurnar mínar...fyrir fjölskylduna....þetta verður að vera raunveruleikinn".

En þetta er nú samt sem áður bara ferðalag.

En við drepum alltaf góðu gæjana sem reyna að segja okkur það, og leifum djöflunum að ganga af göflunum.  En það skiptir ekki máli, þetta er bara ferðlag og við getum breytt um stefnu hvenær sem við viljum.

Allt sem við þurfum er að velja.

Ekkert erfiði, engin vinna, ekkert starf, engin sparnaður né peningar - bara að velja á milli ótta og kærleika.

Með augum óttans viltu setja stærri lás fyrir útidyrnar, kaupa byssur og loka þig af - augu kærleikans sjá okkur aftur á móti öll sem eitt.

Það sem við getum gert til að breyta heiminum strax, er að taka alla peninga sem við samþykkjum að eitt sé í vopn og varnir ár hvert.  Í staðinn notað þá í að fæða, klæða og uppfræða þá sem eru þurfandi í heiminum, sem væri samt mörgum sinnum meira en þyrfti og ekki ein manneskja yrði útundan, síðan kæmumst við áfram ...saman...bæði hið innra og ytra...að eilífu...í friði.

- Bill Hicks 1961 - 1994 (grínisti og uppistandari var vanur að ljúka þáttum sínum með þessari orðum). 

Að trúa á ljósið.

Áreiti umhverfisins s.s. frétta, auglýsinga og alls þess sem tilheyrir daglegu lífi er komið á það stig að með síbiljunni hindrar það heila hugsun, það að skinjun hjartans verði ofaná.  Þegar áreiti heimsins er orðið það mikið að harði diskurinn er orðinn yfirfullur af froðusnakki heimsins og vinnsluminnið ræður ekki lengur við að muna nafn náungans né hvar bíllyklarnir eru, er ráð að staldra við, hlusta á vindinn, fylgjast með skýjunum á leið þeirra um himininn og bara vera.  Í það minnsta slökkva á sjónvarpinu sem flytur okkur að meðaltali 12 hörmungafréttir í hverjum fréttatíma.  Þess á milli auglýsingar og afþreyingu um það sem við eigum að girnast. 

Fæstum okkar kemur til hugar að hugsanir okkur séu skipulega eyðilagðar af öflum sem stýra samfélaginu.  Þegar dælt er yfir okkur upplýsingum um hörmungar heimsins, dót, væntingar og drauma sem eru í raun ekki okkar.  Hvað þá að þessi öfl eigi uppruna sinn í öðru en því samfélagi sem hefur verið skapað með okkar vilja.  Að halda öðru fram væri svipað og að halda því fram að ljóti karlinn byggi á tunglinu.   Samt er það svo að þessi öfl ráða mun meira um líf okkar í gegnum fjölmiðla en við viljum gera okkur grein fyrir. 

Sem dæmi má benda á dagana 6. til 9. október haustið 2008.   Þessa daga voru fluttar fréttir af  efnahagshruni og síðan hafa verið fluttar stanslausar fréttir af hörmulegum afleiðingum þess.  Minna hefur farið fyrir fréttum af náttúrunnar gæðum sem hafa verið einstök hvað veðurfar og árferði varðar allan þennan tíma og þeim möguleikum sem hagstætt árferði hefur gefið okkur til að búa við allsnægtir.  Ef frá eru talin eldgos vetrarins höfum við lifað góðæri.  Eldgosin reyndust þó langþráður léttir frá þeim hörmunga fréttaflutningi sem til varð við efnahagshrunið.

Þessi skipulega eiðilegging á frjálsri hugsun í gegnum stöðugan áróður fjölmiðla og annarrar innrætingar, aftengir meðfætt skapandi innsæi hjartans.  Áreitið hefur leitt til þess að við erum tilbúin til að gefa vanhæfum stjórnvöldum sífellt meiri tök á lífi okkar.  Vegna þess að okkur hefur verið innrætt að við búum ekki yfir nægilegri  færni til að ráða við eigið líf í flóknu kerfi hinna hættulegu kringumstæðna, þrátt fyrir að slíkt hafi ekki verið til sem vandamál þegar við vorum börn. 

Barnsálin trúir í innsæi hjartans og kemmst með því þangað sem hún vill.   Barnið trúir t.d. ekki á karlinn í tunglinu vegna þess að því hefur verð innrætt að þar sé hann, barnið veit að karlinn býr í tunglinu þar til því er sagt að vera ekki að þessu bulli, þannig er ímyndunarafl draumanna á svipstundu að engu gert og það sem á eftir kemur er kallað að vera upplýstur. 

Síðar á ævinni renna þau vonbrigði upp fyrir mörgu barninu að það fylgdi ekki hjartanu á mikilvægustu augablikum lífsins.  Þess í stað var dýrmætum tíma eitt í að fylla höfuðið af gagnslausum upplýsingum þar til að ekki var orðið pláss fyrir heila hugsun.  Hugurinn hafði verið fylltur hugsunum efans sem tilheyra ekki draumi nokkurs manns.

Vonbrigði og efasemdir eru til ama í lífinu.  Efagjarnt fólk er oft vondapurt.  Þegar efi sækir að þér er líf þitt óráðið.  Þú kemst ekkert.  Efinn hindrar aðgerðir og verður til þess að teknar eru engar eða jafnvel rangar ákvarðanir.  "Ja hvað skal gera" segir þú; og ekkert skeður.  Segðu já og hafðu jákvætt viðhorf til lífsins. 

Heimurinn býður upp á marga góða hluti, og þá getum við tileinkað okkur.  Við höfum styrk til að gera það rétta, ef við viljum þiggja hann.  Þegar kraftaverkin verða í lífi okkar, lútum við þeim sem staðfestingu á mætti Guðs, orku alheimsins, þeirra ar orku sem við erum öll hluti af og getum notið ef við aftengjumst ekki hjartanu.  Málum okkur út í horn með því sem kallast á menntuðu máli "sérhæfing" og á lögfæði máli "óskyld mál".

"Trúin flytur fjöll".  Í málshættinum felst, að trúin getur breytt öllu á sviði mannlegra samskipta.  Ef þú treystir Guði, kennir hann þér að "flytja fjöll".  Ef þú ert nógu auðmjúkur til að vita, að þú getur litlu breytt með eigin "sérhæfingu" nema með þjónustu við náungann, ef þú ert nógu trúaður til þess að biðja Guð að gefa þér þann kjark, sem þú þarft til að sjá samhengi "óskyldra mála", og ert nægilega þakklátur fyrir náð hans þér til handa, getur þú "flutt fjöll".  Þá mun nærvera þín bæta allar kringumstæður.

Þér hefur verið trúað fyrir lífinu.  Íhugaðu hvað það þýðir.  Í lífinu gerast kraftaverk ef þú trúir og væntir góðs.  Gættu þess að flækjast ekki í aukaatriðunum og verða eins og maðurinn sem trúði því að; tunglið skipti miklu meira máli en sólin því það lýsti á nóttunni, sólin skini á daginn þegar það er bjart hvort sem er.

Jesú sagði; Lukas 22-23.6.  Augað er lampi líkamans.  Sé auga þitt heilt, mun allur líkami þinn bjartur.  En sé auga þitt spillt, verður allur líkami þinn dimmur.  Ef nú ljósið í þér er myrkur, hvílíkt verður þá myrkrið. 

Án takmarkana.

Við erum fædd sem lítil kríli hinna óendanlegu möguleika.  Við elskuðum og vorum elskuð án skilyrða.  Hugtakið skortur var ekki til.  Þegar þú stækkaðir byrjaðirðu að spyrja heiminn í kringum þig. En í skólanum var þér kennt að endurtaka upplýsingar í stað þess að hugsa eigin hugsanir.  Skoðanir þínar vor gerðar að aðhlátursefni jafninga þegar þú efaðist um fræðin.  Þú leifðir hópsálinni að hafa áhrif á gerðir þínar og ákvarðanir.  Þú gerðir það sem þér var sagt af ótta við afleiðingarnar af því að gera það ekki. 

Líkar þér að stjórnast af ótta?  þér voru gefnir dómar svo þú lærðir að gera það sama.  Hver og einn þarf að koma auga á hvað hann dæmir í fari annarra.  Vera meðvitaður um þá dóma og breyta þeim hluta sjálfsins sem dæmir.  Hugmyndir þínar hafa mótast í gegnum áhorf á sjónvarp (sem er talin nauðsynleg innræting í almannaþágu).   Við erum síðan verðlaunuð með afþreyingu svo við rannsökum ekki veruleikan í kringum okkur.  Meðvitað haldið fávísum með þeirri vissu að við óttumst hið óþekkta. 

Við viljum vera upplýst um viðburði heimsins en erum fóðruð á áróðri.   Þér var gefin von um breytingar með lýðræðislegum kosningum. En sú von hrundi þegar þú uppgötvaðir að öllum flokkum er stýrt af sömu hendi.  Þér var kennt af trúarbrögðum að tilbiðja guði utan sjálfs þín, án þess að gera þér grein fyrir að þú hefur alltaf tilheyrt óendanlegri vitund alheimsins.  

Þú hófst lífsgæðakapphlaupið vegna þess að annar möguleiki var akki augljós.  Við vorum þjálfuð til að verða neytendur með stöðugu auglýsingaáreiti um merkjavörur stórfyrirtækjanna.  Efnafræðiformúlur eru á matseðli þínum til að gera þig mótækilegri.  Þú varðst óánægður með stöðu þína en var sagt "að lifa ekki um efni fram". 

Okkur var kennt að gera lítið úr öðrum vegna þess að þeir eru öðruvísi.  Sem gerir okkur auðsærð þegar sérstaðan sem við teljum einkenna okkur verður fyrir áreiti að sama toga.  Þá er sama neikvæða hegðunin endurtekin vegna þess að við kunnum ekki annað en að láta kringumstæðurnar stjórna geðinu.   Ef þú værir aðeins fær um að skilja að það er ekki til neitt gott eða slæmt aðeins skinjun hjartans fyrir því hvað er rétt. 

Þú lést fortíðina ákvarða nútíðina og hefur áhyggjur af framtíðinni.  Jafnvel þó að fortíð og framtíð séu ekki til, og þú hafir aðeins nútíðina.  Að lifa augnablikið er það eina sem þú færð um ráðið.  Þjóðarstolti var þér innrætt til að einangra þig frá heiminum.  Þú einungis takmarkar þig með því að setja gæðastaðla.  Sannleikanum verður aldrei svo auðveldlega fyrirkomið í kassa. 

Er furða að okkur finnist við vera rugluð og áttavillt?  Með valdi  hefur verið unnið hörðum höndum að því að telja þér trú um að þú hafir ekkert vald, enga stjórn.   En þetta er allt sjónhverfing, eftir að þú hefur einu sinni áttað þig á hvað þú býrð yfir miklum mætti muntu aldrei aftur vinna gegn sjálfum þér.  Allt sem þú þarft að gera er að muna eftir því hver þú ert, að þú ert sama sálin og fæddist fyrir öllum þessum árum.  Sama sálin þó tími innrættra skilyrða hafi hulið skynjun þína móðu.  Eins og Bill Hicks sagði; "Þú ert ímyndun þín sjálfs". 

Svo hver viltu vera?  Þitt er valið svo byrjaðu á að trúa.  Við komum öll frá sama uppruna og erum eitt.   Þú áttar þig á þessu þegar merkimiðarnir sem þú gefur passa ekki lengur. 

Þú varst fæddur frjáls og munt deyja frjáls.  En muntu lifa frjáls?  Valið er þitt.  Þú ert hinn óendanlegi möguleiki. 

Endursagður texti af youtube myndbandi. 

 

http://www.youtube.com/watch?v=SipVykiE6mY&feature=player_embedded

Innsæi hjartans.

Sagt er að menntakerfi nútímans komi að uppistöðu til frá Prússnesku kerfi 19. aldar kerfi sem var ætlað að búa til gott starfsfólk og hlýðna hermenn.  Starfsfólk sem fylgir fyrirfram gefnum ferlum sem leiða til ákveðinnar niðurstöðu.  Framúrskarandi nemendur þessa kerfis eru nær því undantekningarlaust verðlaunaðir, með vinnu við að viðhalda þeim gildum sem kerfið hefur innrætt og auka þannig skilvirkni þess.

Nú má ætla að þekkingu mannsins hafi fleytt það mikið fram að augljósar rökvillur kerfisins hafi verið leiðréttar.  En er það svo?  Heimurinn situr t.d. uppi með peningakerfi sem er byggt upp á þeirri staðreynd að lánuð eru verðmæti í formi peninga sem aldrei voru til sem raunveruleg verðmæti og af þeim eru innheimtir vextir.  Hin viðurkennda þekking gengur út á að þessu kerfi verði viðhaldið með öllum tiltækum ráðum.  Að öðrum kosti er okkur sagt að samfélagið hrynji  með tilheyrandi hörmungum. 

Skortur á frjálsri hugsun skólakerfisins hefur leitt til þess að fólk er tilbúið til að gefa stjórnvöldum sífellt meiri völd í lífi sínu.  Vegna þess að því hefur verið innrætt að það búi ekki yfir nægilegri  færni til að ráða við eigið líf í flóknu kerfi sem byggir á síaukinni skuldaánauð.  Þess í stað er okkur ætlað að vænta þess að stjórnvöld leysi vandamálin.  Með þessum hætti framseljum við frelsi okkar til stjórnvalda nútímans sem hafa sannað sig í því að vera verkfæri fjármálakerfisins að vösum almennings sem aldrei fyrr.

Hagfræðingar menntakerfisins eru gerðir að ráðherrum, jafnvel eftir að þeir talandi á torgum hafa gefið almenningi von með því að tjá sig út frá innsæi hjartans.  Þegar kemur að völdunum tekur ábyrgðartilfinning við og menntun rökhyggjunnar er notuð til að viðhalda kerfi skuldaánauðar og vonleysis.  Þetta er sennilega gert í góðri trú um að verða að gagni með menntun sinni, en þegar kemur að því að endurreisa kerfi sem sligast hefur undan skuldum er langsótt að sannfæra hjartað um að auknar skuldi séu besta lausnin.  Þannig er fortíðar þekking rökhyggjunnar sett ofar visku hjartans. 

Þú átt þér engan líkan, vertu einstakur.  Á alltaf við.  Það er aldrei eins mikilvægt að láta sérstöðu sína ráða eins og á krepputímum.  Þú ert einstakur og með sérstöðu þinni losar þú þig við samkeppni.  Kreppa er oft ekki annað en hörð samkeppni um fánýta hluti þar sem glíman snýst um að komast af á öðru en sköpunarmætti eigin sérstöðu. 

Viðurkennd þekking, þ.e.a.s. menntun tekur lítið tillit til sérstöðu einstaklingsins.  Menntun gengur út á að þjálfa rökhugsun eftir ákveðnum fyrirfram gefnum leiðum, fremur en að efla sköpunargáfu og frumkvæði.  Þessi tegund þekkingar hefur margoft verið til mikilla hindrana fyrir samfélagið og er oftar en ekki notuð til að halda einstaklingnum innan vissra viðurkenndra marka, burtséð frá augljósum villum.   

Sem einfalt dæmi má nefna hversu lengi haldið var fram að jörðin væri flöt og hversu illa Galileo gekk að koma þeirri þekkingu á framfæri að jörðin snerist í kringum sólina, í óþökk akademískrar þekkingar þess tíma.  Þannig má sjá að þekking sem aðlöguð er að fyrirfram gefnum kenningum þarf ekki að vera rétt.  Sannleikurinn getur verið margbreytilegur eftir því frá hvaða sjónarhorni hann er skoðaður.  Nýju föt keisarans eru annað dæmi um það. 

"Love is all you need" sagði nýi borgarstjórinn í Reykjavík, vonandi auðnast honum að láta hugsun hjartans ráða.  Þegar hugsanir hjartans tengjast  þeirri skapandi hugsun, sem við köllum Guð, ákvarðar hún hvað þær skapa.  Það skírir hvers vegna jákvæðar hugsanir, bænir, trú og sköpunargáfa er nauðsynleg þegar nýjum markmiðum skal náð sem boða raunverulegar breytingar. 

Listin að lifa felst í að nýta hugrekki og sköpunarkraft án þess að ganga á rétt annarra, en því betur sem hverjum og einum tekst upp í því efni þeim mun meira mun hann uppskera.  Það að lifa í fullu samræmi við eigið hjarta, er að gera öðrum það sem þú vilt að þeir geri þér, ef þú værir þeirra sporum.  Hversu erfitt sem það kann að reynast.

Það er aldrei of seint að endurheimta fjársjóð barnshjartans því hann býr innra með hverjum manni.    það sem hverjum og einum finnst skemmtilegt og áhugavekjandi, á hvaða sviði sem er, þar er sá fjársjóður sem honum er ætlað að eignast. 

Matt  7.12  Allt sem þér viljið, að aðrir menn gjöri yður, það skuluð þér og þeim gjöra. 

Trú og trúarbrögð.

Það getur verið vandkvæðum bundið að staðsetja sína trú.  Á tímabili var ég fráhverfur trúarbrögðm og taldi mig jafnframt trúlausan.  þegar svo var komið jafngilti það vonleysi, djúpt sokknu í alkahólisma.  Lengi eftir að ég hafði kynnst AA þvældist þrjóskan við að viðurkenna  handleiðslu Guðs fyrir raunverulegum árangri.  Fyrstu sex árin var gangan erfið með reglulegu niðurbroti. "Við fórum að trúa, að æðri máttur gæti gert okkur heilbrigð að nýju" ; átti  ekki við mig.  Staðfesta trúleysis míns var álíka rökföst og bókstafstrú.  Þegar óttinn og vonleysið var orðið þrúgandi laust niður hugsuninni, hverju hef ég að tapa þó svo ég trúi, hverjum þarf ég að gera reikningskili? 

Trúarbrögð og trú eru ekki það sama.  Í trúarbrögðunum getur einstaklingurinn staðfest og eflt sína trú sem er honum nauðsynleg til að draumar hans nái fram að ganga, í þeim má finna þau lögmál sem gilda til að honum farnist vel s.s þú skalt gera öðrum það sem þú vilt að þeir geri þér.  Flest trúarbrögð byggja á reynslu og vitneskju sem safnast hefur saman í gegnum aldirnar, en trúin sjálf byggir á framsýni ímyndunaraflsins og traustinu á að hjartað hafi á réttu að standa.  Sá sem er algerlega trúlaus gæti varla farið út í búð til að kaupa mjólk því hann tryði tæpast að hann fengi hana þar.  Trúin er þannig samofin daglegu lífi í því smæsta.

Það má því vissulega spyrja hvort trúarbrögð séu ekki óþörf, hvort trúin á ímyndunaraflið og innsæji hjartans sé ekki nægileg fyrir hvern og einn til að komast vel af í þessum heimi?  Og hvort trúarbrögðin séu ekki bara gamlar kreddur sem þvælist meira fyrir en verði til gagns?

Kannski á það sama við um trúarbrögðin og slökkviliðið .  Ef það kviknar í húsi og það kemur á mettíma, með vatnsbíl, dælur og slöngur, slökkviliðsmennirnir rúllar út slöngunum og tengja þær fumlaust við slökkvibílinn setja kraftmiklar dælurnar í gang, dæla á eldinn og slökkva hann áður en hann veldur verulegu tjóni, væri það aðgerð sem hæfði stað og stund.  En ef að þú sætir í mestu makindum heima í stofu við að lesa helgarblaðið og slökkviliðið kæmi og viðhefði sömu fumlausu vinnubrögðin og byrji að dæla vatni upp um alla veggi í íbúðinni þar sem væri enginn eldur, myndi það varla flokkast undir annað en algjört rugl.

Því er réttmætt að spyrja hvort trúrbrögð heimsins séu ekki tímaskekkja.  Þau virðast oftar en ekki vera sett fram við aðrar aðstæður og aðra þekkingu en til er í dag, hafa þar að auki verið notuð til að ala á miklu óumburðarlindi meðal menningarheima og í flestum styrjöldum sögunnar hafa trúarbrögð átt sinn sess.  Eins geta trúarbrögðin verið jafn nauðsynleg og slökkviliðið, það er gott að þekkja til þeirra þegar á þarf að halda.  Þó trúarbrögð hafi  verið notuð til að ala á sundurlindi og réttlæta ill verk ætti ekki að dæma þau út frá því.  Öll trúarbrögð benda til hins sama; Guðs.  Öll verðskulda þau sömu virðingu.  Hver sem velur tiltekna trú er að velja sameiginlega aðferð tilbeiðslu og boðunar fagnaðarerindis.  Þrátt fyrir það er hver einstaklingur aðeins ábyrgur fyrir sínum gerðum á þeirri vegferð, og hefur jafnframt engan rétt á að kasta af sér ábyrgð á eigin ákvörðunum í nafni trúar.

Það ætti ekki að vera ofviða ímyndunarafli neins að hefja augu yfir veraldlega misnotkun trúarbragða.  Horfa í trú til Guðs, þaðan sem þú komst, og þaðan sem þú að lokum snýrð.  Því trúin bjargar frá örvæntingu, trúin léttir af áhyggjum, trúin færir frið ofar öllum skilningi, trúin gefur allan styrk.  Trúin færir nýjan þrótt, undursamlegan frið og æðruleysi. Með skylmingum rökfræðinnar er hægt að afsanna tilveru þess Guðs sem trúarbrögðin boða og fá niðurstöðu sem snertir ekki hjarta nokkurs manns.  Þannig væri hægt á endanum að sitja uppi með spurninguna "hvað er líkt með krókódíl?" og svarið "hann getur hvorki hjólað".

Mitt öflugasta vopn er þögul bæn.  -Mahatma Gandhi

 

 

Sjónhverfing rökhyggunnar.

Þau eru fimm skilningsvitin sem við notumst við í okkar daglega lífi, sjón , heyrn, snerting, bragð og lykt.  Þessi skilningsvit er okkur innrætt að styðjast við í gegnum lífið.  Innrætingin kemur í formi uppeldis og menntunar.  Þar sem kennt er að forðast mistök fortíðarinnar.  Því má segja að menntun sé fortíðar vísindi, þar sem flestum spurningu er svarað; svona hefur þetta verið.  Þannig hefur nútíðin orðin til fyrir þekkingu fortíðarinnar og framtíðin þegar ákvörðuð á þeim grunni án þess að við fáum miklu um ráðið.

Ef við ætlum að komast út fyrir kassann sem skilningsvitin fimm hafa sett okkur í þá verður að seilast fram á við eftir hinu óþekkta.  Gera það sama og barnið, treysta á innsæi hjartans.  Spyrja spurninganna vil ég hafa þetta svona, þarf þetta að vera svona?  Svarið hlýtur að verða okkur ber að leita, annars verður lífið byggt á reynslu sem er ekki annað en sjónhverfing liðins tíma.  Röghyggja sem byggir á fortíð er ekki leitandi vísindi.  Þeirri þekkingu má líkja við börn í feluleik sem leita aðeins á fyrirfram ákveðnum stöðum vegna þess að á þeim stöðum hefur leikfélaginn falið sig á áður.

Þegar barnið leitar í feluleik á þekktum stöðum er það ekki vegna þess að það hafi ekki hugmyndaflug til að leita í hinu óþekkta, heldur er það vegna þess að það hefur hlotið hól fyrir að læra að leita í hinu þekkta og finna, þannig er því innrætt í gegnum uppeldi og menntun.  Barnið trúir ekki á karlinn í tunglinu vegna þess að því hefur verð innrætt að þar sé hann, barnið veit að karlinn býr í tunglinu þar til því er sagt að vera ekki að þessu bulli, þannig er ímyndunarafl draumanna á svipstundu að engu gert.

Menntun í formi fortíðar vísindia verður til þess að margt af því sem áður var viðurkennt er orðið framandi eða jafnvel óþekkt.  Það breytir ekki því að það er til staðar þó svo að skinjun  skilningsvitana fimm ná ekki til þess.  Því er kenning Krists í fullu gildi "hver sem tekur ekki við Guðs ríki eins og barn mun aldrei inn í það koma".  Þrátt fyrir þessa meðfæddu vitnesku hefur innræting heimsins gengið út á að aftengja traust barnsins á innsæi hjartans.

Lífið er sigling þar sem í straumröst kjölfarsins er afrakstur þeirrar orku sem þegar hefur verið notuð og reynd.  Ef lífið á aðeins að vera til að nýta þá fortíðar reynslu í formi innrætingar munum við ekki ná að uppfylla þrána eftir því upplifa okkur sem þær orkumiklu og skapandi verur sem við komum í þennan heim til að verða.  Heldur munum við upplifa vonbrigði gærdagsins þegar við steytum á þeim skerjum sem framundan eru vegna þess að við höldum að við getum stýrt bátnum best með því að rýna í kjölfarið.

Jesú sagði:Lukas 11.9  "Biðjið, og yður mun gefast, leitið, og þér munuð finna, knýið á, og fyrir yður mun upplokið verða."

 

Listn að velja.

Vestræn menning hefur innrætt okkur gildi þess að velja og hafna, ekki einungis að velja það góða, heldur einnig að berjast gegn hinu illa.  Hversu samofið þetta er orðið daglegu lífi má sjá í fyrirbyggjandi leit sjúkdóma, baráttuna gegn eiturlyfjum, stríði gegn hryðjuverkum ofl. ofl..  Hugsanlega gæti þessi athygli á höfnun þess illa leitt til þess að við eigum eftir að upplifa loka stríðið gegn stríðinu.

Eftir því sem ég hugsa lengur um lögmál lífsins verður mér sífellt ljósara að ég get aðeins valið, ég get engu hafnað.  Þegar ég hef valið að hafa "fyrirbyggjandi" áhyggjur af heilsuleysi og fjárhagsvanda er stutt í að heilsuleysi og fjárhagsvandi verði sá veruleiki sem ég upplifi.  Með því að velja það að hafna því slæma beini ég athyglinni að því sem ég óttast, og hef þar með valið óttann við það slæma.

Því verður það sífellt ljósara hversu miklu máli það skiptir að hverju ég beini athyglinni, um hvað er hugsað.  En hvernig getur nokkur maður stjórnað hugsunum sínum?  Sem kvikna í raun utan hans sjálfs og koma til hans sem straumur frá hinu óendanlega.  Er hægt að snúa við hugsunum sem kvikna vegna óttans við það slæma?  Eða á maður kannski ekki að berjast gegn þeim?

Það er erfitt að stjórna uppsprettu hugsananna jafnvel eftir að hafa uppgötvað hvað það er í umhverfinu sem hefur mest áhrif á hugann.  Þar er um margt að ræða, s.s. vinnuálag,  samskipti við aðra, fréttaflutningur fjölmiðla osfv.  Það er ómögulegt að snúa við slæmri hugsun eftir að hún hefur kviknar, en það má reyna að setja aðra betri í staðinn.  Það er vonlítið að berjast gegn hugsunum um hið slæma eftir að þær hafa náð tökum á huganum, fyrir þeim getur reynst best að gefast upp og biðja blessunar æðri máttarvalda.

Það getur virst mótsögn að gefast upp fyrir erfiðleikunum og hefur reynst þverhaus eins og mér torskilið, sem þarf alltaf að hafa á réttu að standa .  Búandi að þeirri reynslu að vera alkahólisti ætti það að vera auðskilið hvað mikilvægt er að viðurkenna vanmátt.  Alkahólismi kenndi mér að aðeins ein leið er fær gagnvart áfengi, að gefast upp.   Þó ég viti hvernig lögmálið virkar hefur það ekki reynst sjálfgefið að nýta þessa vitneskju við önnur viðfangsefni.  

Maðurinn hefur það val að beina huganum að því jákvæða og upplifa það um leið með tilfinningu hjartans.  Það að ætla að berjast gegn því neikvæða beinir athyglinni að því neikvæða og þannig að upplifa neikvæða tilfinningu.  Það er miklu auðveldara að komast að því góða með því að velja jákvæða hugsun, heldur en að að dæma um það vonda til að komast þangað sem maður vill.  Ráðið er að biðja þess sem mótdrægt er blessunar, það er nefnilega ekki hægt að blessa og dæma samtímis.

 Matt. 7,1;  Dæmið ekki, svo þér verðið ekki dæmdir.  Því með þeim dómi, sem þér dæmið, munuð þér dæmdir, og með þeim mæli, sem þér mælið, mun yður mælt verða.

 

 

Verður 2012 árið sem kærleikurinn tekur við af óttanum?

Það er að verða vaxandi meðvitund á jörðinni fyrir því að margir hlutir eru í raun ekki eins og þeir hafa virst vera, og að svo hafi verið um langan tíma.  Opinberun leyndamála er á áður fordæmalausum mælikvarða.  Á internetinu er hafsjór upplýsinga sem fram til þessa hafa verið á fárra vitorði.  Vísindamenn eru m.a. farnir að rannsaka þátt hugans og mannlegra tilfinninga til lækningar sjúkdóma. Vísindasamfélagið mun smátt og smátt samþykkja staðreyndir sem áður hafa verið flokkaðar sem "hókus pókus".   Framundan eru bjartir og spennandi tímar.

Þær tilfinningar sem stjórna huganum eru í megin atriðum tvær, ást og ótti.  Óttinn er eðlislægur, nátengdur afkomu.  Undanfarin árþúsund hefur hann verið talinn fyrirhyggja, skynsemi sem hefur þróast með mannkyninu og hefur komið því á þann stað sem það er s.b. þróunar kenningu Darwins sem hefur verið sett á stall sem hinn rökrétti sannleikur.   Þeir hæfustu komast af, þar sem eins má segja að þeir óttaslegnustu komast lengst.  Óttinn hefur jafnframt verið það afl sem hefur takmarkað einstaklinginn mest, í því felst þversögnin og togstreytan.

Margt bendir til að nú séu tímans lögmál að breytast, þróunar ferli óttans sé komið á endastöð.  Hann er ekki nauðsynlegur lengur til að komast af hann er í raun orðinn það afl sem leiðir til tortímingar.   Nýr veruleiki mun taka við, veruleiki kærleikans þar sem skynsemin býr við allsnægtir.  Ártalið 2012 er oft nefnt í þessu sambandi sem upphaf þessara nýju tíma Þekkingar sem alltaf hefur lifað með mönnunum og hver einasta manneskja finnur í hjarta sínu.

Það er sama hvar fólk býr á jörðinni, Þegar það brýtur til mergjar hvað það vill gera við líf sitt koma oftast upp sömu fjögur gildin.  Fólk vill heilbrigt líf, það vill vera hjálpsamt, það vill getað elskað og það vill lifa í sátt og samlindi við aðra.  Til þess að uppfylla þessi gildi þarf að kveðja óttann, það verðu  aldrei hægt að vígbúist til að verja kærleikann.

Sagan segir okkur að við lifum tíma þekkingar og frelsis sem aldrei fyrr, en þegar betur er að gáð hefur aldrei farið meira af auði og þekkingu heimsins í vígbúnað.  Fjölmiðlar og jafnvel trúarbrögð hafa verið notaðir til að sannfæra okkur um að einungis með því að vígbúast getum við varið gildi frelsis og þekkingar.  Til að verja þessi gildi hafa stríðshörmungar, hungur og fátækt stórs hluta mannkyns verið talin ásættanlegur fórnarkostnaður.

2012 verður árið sem himintunglin verða stöðu sem ekki hefur komið upp í þúsundir ára, nýtt tímaskeið hefst.  Það verður alltaf erfiðara og erfiðara að réttlæta stríð til að varðveita friðinn, sú sjónhverfing stenst ekki lengur.  Þess vegna getur árið 2012 orðið árið sem markar upphaf nýrra gilda.  Endaloka óttans sem nauðsynlegs afls við að komast af og upphaf nýs tíma frelsis og allsnægta þar sem kærleikurinn verður aflið sem stjórnar huganum.

 

Okkur ber að verða þær breytingar sem við viljum sjá í heiminum.  -Mahatma Gandhi.

Ást og ótti. (seinni hluti)

Þær tilfinningar sem stjórna huganum eru í megin atriðum tvær, ást og ótti.  Þegar óttinn er ráðandi er egóið við völd, oftast tengt framtíðar hugsýn eigin afkomu. 

Undanfarin árhundruð hefur óttinn, undir rós, verið talinn fyrirhyggja, skynsemin sem hefur þróast með mannkyninu og hefur komið því á þann stað sem það er dag.  Þeir hæfustu komast af.

Þegar athyglin er á óttanum, mun ótakmörkuð óttauppspretta veraldarinnar fóðra hann.  Óttinn takmarkar framför persónuleikans og fjötrar.

Óttinn er eðlileg tilfinning, en sem langvarandi lífsmunstur, er hann lamandi.  Raunsær ótti (s.s. varúð) sem þjónar þeim tilgangi að komast af á t.d. lítið skylt við það hugarvíl sem orsakar andleg vandamál.

Félagslega þóknanlegur ótti er samþykktur sem eðlilegt lífsmynstur.  Undirstaða gangverks óttans á sinn dýrslega uppruna í eðlinu við að komast af, sem innbyggt er í manns heilann.

Að losna frá neikvæðum tilfinningum óttans er líkt og að vinna sig frá öðrum neikvæðum viðhorfum eða ástandi.  Aðferðin er að leyfa óttanum að koma óheftum fram og vinna með hverja birtingarmynd fyrir sig.

Einföld tækni er t.d. "Og hvað þá?"  Með þeirri aðferð eru ótta ástæðurnar einangraðar með afleiðingum þess sem óttast er að kunni að gerast.

Sem dæmi:  "Ég er hræddur um að ég muni missa vinnuna."  "Og hvað þá?"  "Þá mun ég ekki hafa neina peninga."  "Og hvað þá?"  "Þá munum við missa húsið."  "Og hvað þá?"  "Þá munum við ekki eiga neitt heimili lengur,"  "Og hvað þá?"  "Þá munum við sennilega ekki heldur eiga peninga fyrir mat, við gætum soltið."  "Og hvað þá?"  "Þá munum við verða veik og deyja."

Hver afleiðing óttans er þannig einangruð með annarri þangað til að framrás óttans líkur, eins og alltaf, með líkamlegum dauða.  Athyglisvert er að "nálægð dauðans" er sú reynsla sem kemst næst því að útrýma óttanum við dauðann.

Næstum allar félagslegar, sálfræðilegar og líkamlegar óttaafleiðingar eru ómeðvitað einungis ítarlegar útskýringar á óttanum við dauðann, þar sem þær allar eiga uppruna sinn.  Það gæti samt tekið mínútur, eða klukkustundir, daga, eða jafnvel lengri tíma að fara í gegnum allar skelfingarnar.

Að endingu, þegar dauðinn hefur verið samþykktur og afhentur Guði, mun broddur óttans missa bitið.  Friður getur orðið afleiðing uppgjafar fyrir þeim óhjákvæmileika lífsins sem dauðinn er.  Allur ótti er því afurð þess hluta sjálfsins sem tekur mið af því efnislega.

Þessi pistill er að stórum hluta byggður á texta David R Hawkins.

Lukas 21.34  "Hafið gát á sjálfum yður, að hjörtu yðar þyngist ekki við svall og drykkju né áhyggjur þessa lífs"...

 

Ást og ótti. (fyrri hluti)

Þær tilfinningar sem stjórna huganum eru í megin atriðum tvær, ást og ótti.  Þegar kærleikurinn er ráðandi sem viðvarandi jákvæð tilfinning til áhrifa í samfélaginu, eikur hann sameiginlega vitund.  

Kærleikurinn er óháður gæðastöðlum, án allra fyrirvara, mótsagna eða stóryrða, hann verður ekki mældur. Leið kærleikans er fyrirgefning, viljinn til að láta af skilyrðum fortíðarinnar og hætta að líta á skoðanir annarra sem óásættanlegar.

Ást eins og hún er túlkuð í fjölmiðlum auglýsingasamfélagsins....er ekki sá kærleikur sem hér er átt við.

Sú ást sem þar er vísað til lýsir oftast örvandi tilfinningaástandi, í bland við líkamlegt aðdráttarafl, yfirráða, fíknar, kynörvunar og nýjabrums.

Sá kærleikur er oftast viðkvæmur, flöktandi og fölnar fljótt í faðmi hinna ýmsu skilyrða.

Þegar á bjátar lætur sú ást oft ljós undirliggjandi reiði og ánauð sem falin hefur verið á bak við grímuna.

Ást sem auðveldlega getur snúist í hatur er meira byggð á fíkn eða vanabindandi tilfinningasemi fremur en sönnum kærleika.

Sennilega var aldrei raunveruleg ást í slíkum samskiptum, því hatur lyktar af særðu stolti en ekki kærleika.

Sú ást sem hér er vitnað til er viðvarandi tilverustig þar sem fyrirgefning, alúð og samhjálp er leiðin til að tengjast heiminum.

Kærleikurinn er ekki vitsmunalegur og verður því hvorki menntaðu né mældur.  Kærleikurinn á bústað sinn í hjartanu.  Hann hefur getuna til að örva sálir og laða fram það besta vegna síns hreina tilgangs.

Þessi pistill er að stórum hluta byggður á texta David R Hawkins.

 

Matt  7.12  Allt sem þér viljið, að aðrir menn gjöri yður, það skuluð þér og þeim gjöra.

 

Ótakmarkaður kærleikur.

Þegar kærleikurinn er ráðandi sem viðvarandi jákvæð tilfinning til áhrifa í samfélaginu, verður hann að framlagi sem eikur sameiginlega vitundar alls mannkyns.

Þetta gerir nauðsynlega eftirgjöf á þeirri túlkun að ástin endurspegli aðeins jákvæð tengsl, með þesskonar eftirgjöf verður kærleikurinn allt umfaðmandi afl í að samstilla líf mannanna á sameiginlegri vegferð þeirra í lífinu, fremur en sem sérstök tilfinning sem greinir á milli.

Þar sem kærleikur verður ekki mældur í magni tilfinninga heldur aðeins sem tjáning þess kjarna að "óverðskuldaðir" eru jafnframt elskaðir og þannig ekki greint á milli hvers og "eins". Kærleikurinn sem form á sér þannig tilveru án þess að krefjast af "öðrum" að til móts við hann sé komið með tjáningu eða endurgreiðslu.

Kærleikurinn er óháður gæðastöðlum, án allra fyrirvara, mótsagna eða stóryrða, hann verður ekki greindur með línuritum hann er ómælanlegur. Lykillinn að því  að elska skilyrðislaust er viljinn til að yfirgefa eyðileggjandi skilyrði úr reynslu fortíðarinnar og hætta að líta á skoðanir annarra sem óásættanlegar.

Með því að vera fús til fyrirgefningar og eftirgjafar eigin skoðana verður til nýtt samhengi, þar sem yfirgefnar eru takmarkandi, undirliggjandi og sjálfhverfar hugsanir sem hafa orðið til vegna sjálf gefinna einkahagsmunum sem í blindni sinni hafa hindrað andlega framför.

Með ásetningi og meðvitund er hægt að breyta skynjuninni á valkostunum tveim, gott / slæmt í vitundina um "æskilegt" á móti "óæskilegu" eða jafnvel bara æskilegt eða minna æskileg.

Fyrirgefningin á uppsprettu sína í viljanum til auðmýktar, viljanum til að gefa eftir í heiminum og láta atburðarásina að vilja Guðs. Með því að afhenda í einlægni beiðni til heilags anda um kraftaverk, með óskinni um að losna við skynjanir sjálfsins um ávinning og það hvað telst opinber sannleikur.

Hugtakið óskilyrt ást er oftast samhliða endursköpun; tíma, staðar og tilgangs, og það er bókstafleg upplifun hugtaksins í gegnum notkun sem  umbreytir því í sjálft sig.

Þessi texti er endursögn á texta David R Hawkins, ekki bein þýðing. 

 

Losaðu um tök eigingirninnar.  Láttu af þeirri sjálfselsku að þurfa að hafa á réttu að standa.  Þegar þú ert í miðri deilu, þá spurðu þig:  Hvort vil ég hafa rétt fyrir mér, eða vera hamingjusamur?  Þegar þú velur glaðværu, ástúðlegu og andlegu afstöðuna, verður það smböndum þínum og áformum til styrktar.  -Wayne Dyer.

 

 

Sjálfsmynd.

Sjálfsmynd skiptir miklu máli, sú mynd sem hver og einn hefur af sjálfum sér og gefur út á við í samskiptum við aðra.  Sagt er gefðu bros í amstri dagsins; Það kostar ekkert en ávinnur mikið. Athöfnin ein að brosa kemur á af stað jákvæðu ferli, við það er andlitið sett í uppörvandi stellingu og þegar hugur fylgir einnig athöfnin að brosa er um sælu tilfinningu að ræða.  Bros er einnig áhrifamesta og ódýrasta lýtaaðgerðin.  Það að huga að öndun, gæta að málfari, tala rólega ásamt því að brosa skiptir allt miklu máli samfara jákvæðum hugsunum.

Vertu því meðvitaður um hvað líkamleg hegðun gerir fyrir hugann.  Ef þú ert hnípinn og þreytulegur mun hugurinn verða það og öfugt. Láttu huga og líkama vinna saman.  Það að ganga reistur, tala af  áhuga, draga djúpt andann, allt hefur þetta áhrif á sjálfsmyndina. Þeir sem hafa t.d. byrjað að reykja gerðu það af því að það var töff, þeir upplifðu þannig sterkari sjálfsmynd og síðast en ekki síst að þeim fór ljótlega að líða vel með draga djúpt andann og láta reykinn líða frá sér á rólegri útöndun.

Ein af ástæðunum fyrir bættri líðan er að með því að reykja er að með því dýpkar andardrátturinn.  Með djúpum andardrætti næst mikil súrefnisinntaka sem fer út í blóðið.  En byrjaðu samt ekki að reykja vendu þig á að taka andann djúpt, slaka á og finna hvað það gerir. Ein áhrifamesta aðferðin við að breyta tilfinningasviðinu er hvernig þú beitir líkamanum, andar og talar. Þessa ímynd markaðssetti tóbaksiðnaðurinn fyrir sína vöru, ímyndin er í fullu gildi þó svo að engin deili um skaðsemi reykinga.

Þú berð þig allt öðruvísi ef þú ert leiður og þreyttur heldur en þegar þú ert fullur af áhuga og orkan flæðir um þig. Það að draga djúpt að sér andann reisir líkamann og gefur blóðinu vænan skammt súrefni, sem streymir um líkama þinn, upp til höfuðsins. Vendu þig á að draga andann djúpt nokkrum sinnum yfir daginn, besta aðferðin er samhliða líkamlegri hreyfingu þar sem þú ert meðvitaður um hvað þú ert að gera fyrir sjálfsmynd þína. Þú ert það sem þú hugsar og með því að bera þig hraustan og áhugasaman verðurðu hraustur og áhugasamur. 

Hin sanna fullkomnun felst ekki í því sem maður hefur, heldur því sem maður er. 

Eigi skaltu haltur ganga á meðan báðir fætur eru jafn langir.  -Íslenskt spakmæli.

 

Vonbrigði tilheyra fortíðinni.

Óttinn við vonbrigði getur lamað framtaksemi  sem verður til þess að við sleppum því að framkvæma það sem við þurfum til að öðlast það sem við þráum vegna hræðslunnar við að lenda í verri aðstæðum en við erum.  Ein stærsta breytingin sem við getum gert í lífi okkar, sem fær okkur til að taka ákvarðanir og framkvæma okkur til gagns, er það að gera okkur grein fyrir hvað það er sem við tengjum ánægju og hvað við tengjum við sársauka.  Gera okkur skýra grein fyrir að vonbrigði þurfa aðeins að tilheyra fortíðinni.

Mundu að allar hugsanir munu hafa áhrif á líf þitt.  Þó þær virðist vera lítilsverðar þá skaltu vera meðvitaður um að þær munu hafa áhrif.  Stjórn þín á hugsunum þínum mun ákvarða örlög þín, þau eru því í þínum valdi.  Eitt það mikilvægasta er að tengja vellíðan við hugsanir.  Það er t.d. þess vegna sem eiturlyf eru algeng, það er ekki vegna frábærrar markaðssetningar eða auðvelds aðgengis, það er vegna þess að þau veita vellíðan á augnabliki, allt sýnist mögulegt.  En því miður veita vímuefni falska vellíðan og verða oft orsök mikils sársauka.

Ímyndaðu þér hugann sem mp3 spilara þú getur ráðið hvort þú spilar sorgarsöngva eða söngva um hamingjuna og lífið.  Þú ræður hvernig lögum hlaðið er inn á mp3 spilarann, það sama á við hugann.  Með því að hlaða inn hugmyndum um kærleika, hamingju og velgengni muntu koma þér upp hegðunarmynstri sem tileinkar sér það sem hlaðið er inn.  Gerðu þér jafnframt grein fyrir tengingum þínum við sársauka, gerðu ekki ráð fyrir að sársauki fortíðarinnar endurtaki sig í framtíðinni.  Láttu aldrei daginn í dag gjalda leiðinda frá því í gær, nútíð og framtíð eru aldrei jöfn fortíðinni.

Hugurinn er stöðugt að verki, virkar því eins og straumur.  Það sem þú hugsar mun streyma til þín, í hugsunum felst það sem þú muntu öðlast efnislega.  Það er ekki alltaf einfalt að halda huganum jákvæðum því að fortíðin er vörðuð ýmiskonar reynslu, þess vegna koma fljótlega upp í hugann allar áhyggjufullu ástæðurnar fyrir því hvað er ekki hægt að gera;  það þarf að borga af lánunum, bílnum osfv..

Hugsaðu þér því lífið sem bát sem er á siglingu, í kjölfarinu er straumur sem fjarlægist fyrir aftan bátinn.  Það sem fær bátinn til að sigla áfram er vélaraflið sem beitt er í augnablikinu.  Straumurinn í kjölfarinu getur ekki siglt bátnum áfram hann er aðeins sjónhverfing þeirrar orku sem þegar hefur verið nýtt og ef þú ákvarðar stefnu bátsins eftir kjölfarinu er eins víst að hann muni steyta á skeri.  Reynsla þín og það sem þér hefur verið sagt til þessa dags er fyrir aftan þig í straumi kjölfarsins og ef þú notar það til að koma í veg fyrir að þú öðlist það líf sem þú þráir, lifirðu vonbrigði gærdagsins.

Það er ekki til neins að hafa áhyggur af því sem þú hefur ekki stjórn á; vegna þess að það er ekkert sem þú getur gert í málinu.  Svo til hvers að láta áhyggurnar ráða för, þegar þær koma í veg fyrir að þú lifir drauminn. -Wayne Dyer.

Við komumst eins langt og trúin.

Haltu þig ætíð við markmið þitt ekki gefast upp, settu daglega framtak í draum þinn.  Það sem kemur í veg fyrir að draumar rætast er þegar þeir eru lagðir til hliðar vegna skorts á úthaldi.  Með öðrum orðum skortur á staðfastri trú.

Þegar við erum í kapphlaupi og markið er í sjónmáli, er álagið á hjarta, taugar og vöðva í hámarki.  Markmið hugans verður að vera skýrt þegar aðeins lokaátakið er eftir.  Þeir hlauparar eru aumkunarverðir, sem hlaupa vel, fullir af kjarki og dug, þar til markið er í sjónmáli en leyfa þá veikleika eða sérhlífni að ná á sér tökum.  Þeir munu aldrei vita, hve nærri markinu þeir voru, hver sigurtilfinningin er.

Biðjum því um trú, eins og þyrstur maður biður um vatn í eyðimörkinni.  Gerðu þér grein fyrir hvað það er mikils vert að eiga fullvissuna um að trúin mun aldrei bregðast.  Vertu eins öruggur í trúnni og með andardráttinn.  Efldu trúna með daglegri bæn og hugleiðslu á meðvitaðan hátt.  Þig mun ekki vanhaga um neitt, vegna þess að þú hefur allt sem þarf.  Okkur brestur oftast í versta falli, trú til að vera viss um að við búum við allsnægtir.  Því erum við svo oft eins og ríksmanns börn, sem sitjum tötrum vafin innan um alla þá hluti sem hugurinn girnist án þess að geta notið þeirra.

Hafðu því  markmiðið hvað þú ætlar að verða frekar en hvað þú ætlar að hafa.  Sjáðu þig fyrir þér sem þá persónu sem þú vilt verða í þeirri stöðu sem þig dreymir.  Þú munt alltaf vilja meira en bara efnisleg gæði þau uppfylla aldrei drauminn ein og sér.  Sjáðu þig fyrir sem betri persónu þá persónu sem þú vilt verða þar sem þú getur gert það besta fyrir fjölskyldu, vini og samferðamenn.  Lífið er vegferð, njóttu hennar og gerðu það sem þú best getur.

Jesú sagði  Matt. 21.22  Allt sem þér biðjið í bæn yðar, munuð þér öðlast, ef þér trúið. 

Don't tell God how big your storm is....tell your storm how big your God is. - Unknown

Hvar liggur vald þitt?

Allt sem þú veist gott, er þér einskis virði ef þú notar það ekki.  Frestunar áráttan er skæður óvinur.  Það verður að taka af skarið, mörg lítil skref munu koma þér langt.  Þó svo hvert og eitt þeirra virðist ekki skipta miklu við fyrstu sýn.  Ástæðan fyrir því að slá draumnum á frest á yfirleitt ekkert skylt við leti eða að draumurinn sé of stór.  Innst inni er það hræðslan við mistök eða höfnun og sársaukann sem því fylgir sem vegur þyngst.

Það eru tveir pólar sem stýra gerðum okkar öðru fremur.  Það er löngun í ánægu og óttinn við vonbrigði.  Óttinn við vonbrigði lamar framtaksemina, við sleppum því að framkvæma það sem þarf til að öðlast það sem við þráum.  Þessi ótti við að gera mistök og lenda í verri aðstæðum.  Óttinn við að vera hafnað.

Það er til saga af Buddha þar sem hann flutti kenningar sínar.  Maður rengdi það sem hann sagði, spurði óþægilegra spurninga og gerði allt til að gera lítið úr kenningum hans.  Buddha hafði sýnt mikla þolinmæði þegar hann snéri loks orðum sínum til mannsins og spurði; "ef ég býðst til að gefa þér gjöf og þú hafnar henni hvers er þá gjöfin?"  "Hún er þín svaraði maðurinn."  "Það er rétt hjá þér" svaraði Buddha "það sama á við um þínar gjafir."  Hræðslan við höfnun er því í raun óþörf, því það er í þínu valdi hvað þú þiggur. 

Allar ákvarðanir sem þú framkvæmir munu hafa áhrif á líf þitt.   Lífið er fjöldi lítilla ákvarðana, láttu því ekki "ég hefði átt að...." eða "ef ég hefði gert..." verða örlög þín.  Ákvarðanir í framkvæmd koma þér þangað sem þú ætlar.  Þannig örvarðu áhuga þinn, þannig tekurðu stjórnina á þínum áætlunum.  Stjórn þín á gerðum þínum mun á endanum ákvarða örlög þín, þau eru í þínum höndum.  

Ef þú getur ímyndað þér það, getur þú framkvæmt það.  Ef þig dreymir um það, getur þú orðið það. -William Arthur Ward

Framtíðin.

"Til að byrja með skalt þú dag hvern taka andataks hvíld til að gera ráð fyrir að þrátt fyrir allt muni í hinu ókomna bíði þín paradís."

 "Þér verði gefin innsýn í þá björtu framtíð sem verður; ekki með neinni töfraþulu á silfurfati, því hún verður til með þinni eigin hugarorku."

 "Frjálst val þitt til hugsunar og skoðanamyndunar mun varða veginn og fullmóta hann greiðfæran inn í framtíðina."

"Framundan  mun allt sem þú þráir nógu sterkt, sérð skýrt í huga þínum og finnur í hjarta þínu, verða að veruleika í þínu lífi."

 "Þeir eru sífelt fleiri sem eru meðvitaðir um að uppspretta þess lífs sem við þráum býr innra með okkur."

"Framundan er tími til losna við leiðindi og deilur, skipta á þeim, fyrir nýja framtíðarsýn , þar sem vöxtur, manngæska og hugsjónin fyrir nýjum veruleika fæðist, veruleika eins og þú vilt hafa hann."

 "Ný heimsýn mun verða til innra með þér í stað þess að koma utanfrá."

 "Það sem gerist næsta árið mun verður fyrirboði næstu tíu ára. Og það sem umbreytist innan næstu tíu ára verður grundvöllurinn fyrir árin þar á eftir."

 "Orkan mun streyma, vinna með þér við að ná markmiði drauma þinna og upplifa velgengni með vitneskunni um það hvers kröftug sýn hugsana þinna er megnug."

"Þannig að ef þú vilt gott ráð inn í framtíðina, myndi það vera, búðu til öfluga framtíðarsýn í huganum."

"Orkan fylgir hugsýninni."

 "Jafnvel þeir síðustu koma út úr þokunni."

"Ekki gefa dýrmæta hugarorku þína til villugjarnrar og hverfandi fortíðar."

"Snúðu þér að sköpunarmættinum sem býr innra með þér."

"Lifðu drauminn."

Ef það er þoka í höfðinu verður villugjarnt á leiðinni.

Vald þitt er fólgið í því að framkvæma.  Gera það sem þig langar til, þó það byrji sem  lítið skref  þá verða skrefin til mikilla framafar þegar fram líður.  Svipað er þegar vöðvar eru æfðir, aðferðin er að gera núna þó lítið sé, en ekki eftir ár eða tíu þegar þú hefur tíma.  Gerðu núna finndu eitthvað á hverjum degi sem færir þig nær því sem þig dreymir um og framkvæmdu.

Gerðu þér grein fyrir að þú sjálfur ákveður hvað þú átt skilið, það er t.d. öruggt að áhugaleysi leiði til niðursveiflu það ert svo þú sem ákveður mörkin, hve lengi áhugaleysið varir áður en þú rífur þig upp af áhuga og ferð að vinna að velferð þinni.  Gerðu þér jafnframt ljóst að þegar vel gengur er mörkin þar sem þú setur þau, að þegar þér finnst nóg um velgengnina ert það þú stöðvar ferlið með værukærð, það er þér sem finnst vera komið nóg.

Nútíðin er aldrei jöfn fortíðinni gerðu því ekki ráð fyrir að það sem úrskeiðis fór í fortíðinni eigi við í nútíð eða í framtíð.  Endursettu hugsunina í jákvæða, taktu ákvörðun um að gera það sem er til góðs og framkvæmdu.  Tilfinningar þínar og hugsun segja þér hvað er rétt.  Númer eitt er að vita hvað þú vilt.  Skýr sýn gefur val, þegar sýnin er orðin skýr framkvæmdu í því er vald þitt fólgið.  Þegar þú hefur gert það að vana þínum að einbeita þér að takmarki þínu þá framkvæmirðu án erfiðis.  Vertu meðvitaður um að hvert lítið skref sem þú tekur í átt að markmiði þínu veitir þér ánægju auk þess að færa þig nær.

Losaðu þig við frestunar áráttuna, taktu ákvörðun núna.  Það er ekki það sem við getum gert sem gerir lífið ánægjulegt, heldur það sem við gerum.  Flestir sem hafa notið velgengni hefur oft mistekist, velgengnin felst í því að þeir reyndu aftur, aftur og aftur þar til það tókst.  Taktu því ákvörðun um að framkvæma og láttu mælikvarðann um það hvort þú ert að ná árangri vera hvort þú ert að nálgast markmið þitt eða fjarlægist.  Ekki gefast upp þó að þér finnist þú fjarlægast.  Taktu þetta eins og barn lærir að ganga sama hve það dettur oft það gefst ekki upp fyrr en það hefur lært að ganga.

Gerðu þér grein hvað þú villt, taktu ákvörðun og framkvæmdu.  Líkt og þegar flugvél fer á milli tveggja staða þá er vitað hvert ferðinni er heitið, ákvörðun er tekin um brottför og hún er framkvæmd.  Svo einfalt er það, þó flugvélin sé 95% ferðarinnar ekki á áfangastað þá þýðar það ekki að hún komist ekki þangað.  Þetta á við flest sem þú vilt og vinnur að þú munt komast þó að ákvörðunarstaðurinn sjáist ekki um tíma.  Þú getur flýtt för þinni með því að taka áfangana í meðvituðum skrefum og sjá ákvöðunarstaðinn alltaf skýrt í huganum.

Margir gefast upp við að öðlast það sem þá dreymir um vegna daglegra anna, s.s. ég verð að greiða reikningana mína áður en ég get farið að gera það sem mig langar til, svoleiðis hugsanir koma í veg fyrir að þú náir þangað sem þig dreymir.  Það verður alltaf nóg af reikningum, láttu vinnuna við drauminn ganga fyrir og hann mun greiða reikningana þína.  Taktu mistökum alltaf sem lærdómi.  Haltu velgengni skrá, skrifaðu niður markmið þín og hvað þú gerir til að ná þeim.  Farðu yfir það reglulega því að það vill gleymast hve langt er náð á tiltölulega stuttum tíma.

Undanfari þess að framkvæma er að hugsa. - Ralph Waldo Emerson